HomeAktualitetiKëshilli i Mediave bën thirrje për kujdes në raportimin e tragjedive

Këshilli i Mediave bën thirrje për kujdes në raportimin e tragjedive

-

Pas ngjarjeve të fundit të kronikës së zezë në Kosovë, Këshilli i Mediave të Shkruara të Kosovës (KMSHK) u ka bërë thirrje mediave që të jenë të kujdesshme dhe profesionale gjatë raportimit për tragjedi.

Në një komunikatë KMSHK thekson se raportimi për ngjarje të rënda duhet të bëhet me ndjeshmëri dhe vetëm kur ekziston interes i lartë publik.

“Nëse interesi publik është i lartë, atëherë duhet të respektohet privatësia e të prekurve, të mbulohen fytyrat dhe të përdoret diskrecion maksimal”, thuhet në deklaratë.

Mediat janë të detyruara të respektojnë të drejtën e familjeve për të mbajtur zi dhe të raportojnë me empati dhe vetëpërmbajtje.

KMSHK thekson se publikimi i fotografive apo videove që shfaqin viktima të aksidenteve, dhunës apo vetëvrasjeve është i ndaluar, përveç rasteve kur ekziston interes publik.

Gjithashtu, këshilli kërkon që të mos bëhet identifikimi i viktimave në media, përveçse në rastet kur është e domosdoshme për interesin publik.

“Publikimi i pamjeve të kufomave, trupave të plagosur apo skenave me gjak duhet të shmanget, dhe kur është e pashmangshme, duhet të vendoset një paralajmërim për përmbajtjen e ndjeshme,” theksohet më tej në komunikatë.

KMSHK i bën thirrje gazetarëve dhe redaksive që të zbatojnë standardet etike dhe të shmangin sensacionalizmin në raportime që prekin ndjeshmërinë e publikut dhe familjarëve të viktimave.

 

Loading posts…

LEAVE A REPLY

Please enter your comment!
Please enter your name here

- Reklama -spot_img

Duhet ti lexosh

Flamuri i Pavarësisë u ngrit mbi gjurmët e Aulonës antike

0
Nga: Prof. Dr. Luan Përzhita Dy mijë vjet histori në të njëjtin truall: nga qyteti antik i Aulonës te 28 Nëntori i vitit 1912. Vlora është...