HomeKulturaBuka ndahet me sy hapur

Buka ndahet me sy hapur

-

Nga: Prof.Dr. Xhavit LIPAJ

Ka mbrëmje kur buka mezi del për dy

e prapë dikush ia lë tjetrit copën më të madhe.

Vite më vonë, në një tryezë tjetër,

e njëjta gojë që dikur kërkoi bukë

përqesh emrin e atij që e ndau.

Ka njerëz që ngrenë dikë nga pluhuri.

Sapo ai mbahet në këmbë,

u vë duart në kraharor dhe i shtyn.

Edhe teksa bien, ia mbajnë ende mëngën,

sikur, po ta lëshonin, të binte ai.

Ka njerëz që zgjohen me zilen e parë

kur dikush i kërkon në mes të natës.

Kur u duhet edhe atyre një zë,

e lënë telefonin pranë jastëkut,

sikur edhe heshtja, po të presin pak,

të mund të ndërrojë mendje.

A ishte marrëzi ta ndaje bukën?

Atë mbrëmje kush mund ta dinte

ç’fjalë do të thuheshin vite më pas?

Uria ishte aty, në anën tjetër të tryezës.

Dhe nata sapo kishte nisur.

Njeriu mëson të thotë «mjaft».

Pastaj, një ditë, troket një i panjohur.

Me ç’të drejtë t’i kërkohet llogari

për një plagë që la dikush tjetër?

Kështu ndahet buka me sy hapur.

Kur vjen çasti për t’u ulur në tryezë,

ai që gjithë jetën u bëri vend të tjerëve

më në fund ulet edhe vetë.

Vetëm kështu …

Loading posts…
- Reklama -spot_img

Duhet ti lexosh

Edi Rama merr pjesë në takimin e nivelit të lartë të...

0
Kryeministri shqiptar i ftuar nga kancelari gjerman Friedrich Merz në një tryezë të rëndësishme për sigurinë, paqen dhe stabilitetin evropian Kryeministri i Shqipërisë, Edi Rama,...