HomeDiasporaItali/ Çelet Akademia e Arteve dhe traditave arbëreshe

Itali/ Çelet Akademia e Arteve dhe traditave arbëreshe

-

Komuna e Shën Mitrit (San Demetrio Corone), në Itali, njoftoi çeljen e Akademisë së Arteve dhe Traditave Arbëreshe për të gjithë interesuarit e shumtë.

Synimi i kësaj Akademie është të ringjallë artet, këngët, zakonet, gjuhën dhe traditat që e kanë bërë komunitetin e arbëreshëve të Shën Mitrit unik për shekuj me rradhë si një prej grupeve kulturore më të rëndësishme.

Shën Mitri, që në italisht njihet si San Demetrio Corone, është një komunë në Provincën e Kozencës, në Rajonin e Kalabrisë në Itali.

Shën Mitri ndodhet në një lartësi prej 521 metra mbi nivelin e detit dhe është ndër qendrat më të rëndësishme të komunitetit arbëresh, që ka ruajtur gjuhën, zakonet, kulturën, ritet fetare dhe identitetin etnik të tij. Ai është vendi i Kolegjit të famshëm të Shën Adrianit (1794), një organizatë e rëndësishme fetare dhe kulturore për ruajtjen e ritit bizantin dhe traditat. Në kuadër të përpjekjeve komunitare dhe institucionale të komunave arbëreshe të Italisë për ruajtjen e kulturës arbëreshe, Akademia e Arteve dhe Traditave Arbëreshe, do të vijë si një program edukativ dhe kulturor i hapur për të gjithë qytetarët.

Përmes kësaj nisme komunat arbëreshe konfirmojnë angazhimin e tyre për ruajtjen dhe promovimin e rrënjëve arbëreshe, duke përfshirë veçanërisht brezat e rinj, në mënyrë që kujtesa dhe identiteti i historisë së këtyre komuniteteve të vijojnë ende në të ardhmen, transmeton A.K./TemA

Loading posts…

LEAVE A REPLY

Please enter your comment!
Please enter your name here

- Reklama -spot_img

Duhet ti lexosh

Buka ndahet me sy hapur

0
Nga: Prof.Dr. Xhavit LIPAJ Ka mbrëmje kur buka mezi del për dy e prapë dikush ia lë tjetrit copën më të madhe. Vite më vonë, në një...