HomeKulturaDardana pret promovimin e “Enciklopedisë Imagjinare” të Bajram Kosumit

Dardana pret promovimin e “Enciklopedisë Imagjinare” të Bajram Kosumit

-

DARDANË – Festat e nëntorit këtë vit po pasurohen me një sërë aktivitetesh kulturore, ndër të cilat spikat promovimi i librit të ri të autorit dhe studiuesit të njohur, Dr. Bajram Kosumi. Më 26 nëntor 2025, në ora 12:00, në Shtëpinë e Kulturës “Isa Kastrati” në Dardanë, Klubi Letrar “Nositi” organizon promovimin e veprës “Enciklopedia Imagjinare – Postroman”, një libër që tashmë ka zgjuar interesim të madh tek studiuesit dhe lexuesit e letërsisë shqipe.

Kjo vepër, e vlerësuar për frymën e re dhe qasjen origjinale, po konsiderohet si një nga botimet më të veçanta të viteve të fundit. Gjatë pjesës së parë të ngjarjes, tre referues do të paraqesin vlerësimet e tyre profesionale mbi rëndësinë dhe risitë që sjell ky postroman, ndërsa pjesa e dytë do t’i kushtohet pyetjeve dhe bashkëbisedimit të hapur me autorin.

Klubi Letrar “Nositi”, i cili vazhdon të jetë një ndër promotorët kryesorë të kulturës në Dardanë, organizon këtë aktivitet në kuadër të festave të nëntorit dhe në bazë të mundësive që ka. Ndihmesa e vazhdueshme e Drejtorisë së Kulturës dhe e zyrës së kryetarit të komunës, z. Kadri Rahimaj, ka bërë të mundur mbajtjen e aktiviteteve kulturore që pasurojnë jetën artistike të qytetit.

Një rol të rëndësishëm në mbështetjen e këtij klubi e kanë edhe Kamer dhe Mustafë Borovci nga ndërmarrja “Vëllezërit Borovci”, të cilët me përkushtim dhe respekt po kontribuojnë në afirmimin e fjalës së shkruar artistike.

Dardana, në prag të festave të Nëntorit, po shndërrohet në qendër të aktiviteteve kulturore që u japin kuptim ditëve të festës dhe forcë identitetit tonë kulturor.

Klubi Letrar “Nositi” dhe kryetari i tij, Nexhat Rexha, ftojnë të gjithë adhuruesit e letërsisë dhe kulturës që të marrin pjesë në këtë ditë të veçantë.

“Ju mirëpresim në këtë ngjarje të shënuar!”, njofton half24.ch

Loading posts…

LEAVE A REPLY

Please enter your comment!
Please enter your name here

- Reklama -spot_img

Duhet ti lexosh

KOSOVA DHE SHQIPËRIA NË TË NJËJTËN VAZO PËR EURO 2028, RRUGËTIMI...

0
Dardanët dhe kuqezinjtë nuk mund të përballen mes vete në fazën e grupeve – shorti hidhet më 6 dhjetor në Belfast Kosova dhe Shqipëria do...