HomeKrijimtariAhmaku me 32 Budallenj në Kokë

Ahmaku me 32 Budallenj në Kokë

-

Nga Prof. Dr.Xhavit LIPAJ, Zvicër

Ahmaku ecën nëpër botë, me 32 budallenj në kokë, të rreshtuar si ushtarë plasteline,

që s’dinë nga shkohet,

as nga vjen mendja.

Njëri i thotë: “Shko djathtas!”

tjetri i ulërin: “Jo, majtas!” i treti përplaset me mur dhe thotë se muri s’ka faj,

fajin e ka ajri që fryn gabim.

Njëri i thotë: “Folu fort njerëzve!”

tjetri: “Jo, ul zërin, mos u duk.”

i treti kërkon duartrokitje, para se të hapet perdja, edhe pse s’ka skenë, s’ka art, s’ka publik.

Ahmaku i mban të gjithë brenda, si bari që ruan 32 dele të çmendura, dhe sa herë mendon të heshtë, ata nisin këngën e tyre budallaqe, ku ritmi është kaos, dhe teksti është turpi i ditës.

E pra, ahmaku nuk është vetëm

një njeri me mend pak të rëndë, ai është mbreti i një oborri të marrë, një mbret me kurorë prej vorbullash, që s’e kupton se e vetmja pasuri

që ka në kokë, është varfëria e 32 zërave

që s’njohin as turp, as arsye, as veten.

Kjo është tragjikomedia e tij: sa herë hap gojën,

flasin budallenjtë; sa herë përpiqet të mendojë,

i zihen rrugës njëri-tjetrit.

Dhe bota qesh me të, jo se bën humor, por se ai vetë, është bërë humor.

Vetëm kështu …

X.L. Nëntor 2025

Loading posts…

LEAVE A REPLY

Please enter your comment!
Please enter your name here

- Reklama -spot_img

Duhet ti lexosh

Edi Rama merr pjesë në takimin e nivelit të lartë të...

0
Kryeministri shqiptar i ftuar nga kancelari gjerman Friedrich Merz në një tryezë të rëndësishme për sigurinë, paqen dhe stabilitetin evropian Kryeministri i Shqipërisë, Edi Rama,...