HomeDiasporaFluks udhëtarësh në Portin e Durrësit për festat e fundvitit

Fluks udhëtarësh në Portin e Durrësit për festat e fundvitit

-

Në Portin e Durrësit është shënuar një rritje e ndjeshme e lëvizjes së udhëtarëve që vijnë nga portet italiane, kryesisht nga Bari.

Ashtu si çdo fundvit, edhe këtë dhjetor kompanitë e lundrimit kanë dyfishuar numrin e trageteve që operojnë në linjën Bari–Durrës dhe anasjelltas, për të përballuar kërkesën e shtuar.

Mëngjesin e sotëm në port kanë mbërritur tre tragete, të cilët kanë sjellë afro 1000 pasagjerë dhe rreth 300 automjete.

 Ndërkohë, gjatë mbrëmjes pritet të mbërrijnë edhe dy tragete të tjerë nga Bari, duke e rritur ndjeshëm fluksin e udhëtarëve.

Burime nga kapiteneria e portit bëjnë të ditur se ky fluks pritet të zgjasë deri më 24 dhjetor, ditë që pritet të shënojë edhe numrin më të lartë të udhëtarëve që kthehen për festat e fundvitit.

Autoriteti Portual i Durrësit, në bashkëpunim me policinë kufitare dhe doganën, ka marrë të gjitha masat për përpunimin e udhëtarëve dhe automjeteve në kohë sa më të shpejtë, duke garantuar një menaxhim efikas të situatës, transmeton rtsh.

Loading posts…

LEAVE A REPLY

Please enter your comment!
Please enter your name here

- Reklama -spot_img

Duhet ti lexosh

FLAMURI AMERIKAN NJË SIMBOL I KUJTESËS, SOLIDARITETIT DHE MIRËNJOHJES

0
Nga Agim Rexhepi Ky flamur qëndroi në gjysmë shtizë para shtatores së Shenjtores Nënë Tereza në Prishtinë, më 17 shkurt 2026, gjatë ceremonisë përkujtimore kushtuar...