HomeKrijimtariRrëfime të Heshtura

Rrëfime të Heshtura

-

Nga: Angela KOSTA, ITALI

Rrëfime të heshtura gjëmimesh

në psalme të mallkuara rrethinash

të kryqëzuara në vetë flijimin e botës

ku shpirti çirret dhe kërcen baladën e zullumit

pa ndalur hapin e ziliqarëve të ndëshkimit.

Nënat

me linfën e tyre,

pemën e jetës

kanë harruar të mëkojnë,

gjinjtë iu janë tharë

në tokën shterpë.

Muzikantët

nuk luajnë më në piano, nuk kompozojnë

himne të reja moderne paqeje…

Kuislingët e sotshëm

me vetëtima raketash

në muret e qiellit të nëmur

vepra palaçosh zhgarravisin,

teksa me përbuzje

tallen me sfondin e racave të gjunjëzuara

me brinjë të thyer

në koleksionet e lashta historike.

Palcë më nuk u ka mbetur

veç plazmës pa qeliza,

gojës pa dhëmbë

të copëtuara nga kafshata e mjerimit.

Me etje

dejeve të universit

gjakun gëlltisin

nën tehun barbar,

të uritur mizorinë përtypin.

Njerëzimin

vetë mëshira e fatit ogurzi e ka braktisur

që heshturazi

të rrëfejë botën hipokrite të mashtrimit.

Loading posts…

LEAVE A REPLY

Please enter your comment!
Please enter your name here

- Reklama -spot_img

Duhet ti lexosh

FLAMURI AMERIKAN NJË SIMBOL I KUJTESËS, SOLIDARITETIT DHE MIRËNJOHJES

0
Nga Agim Rexhepi Ky flamur qëndroi në gjysmë shtizë para shtatores së Shenjtores Nënë Tereza në Prishtinë, më 17 shkurt 2026, gjatë ceremonisë përkujtimore kushtuar...